Ta’aruf

Idare-e-Deeniyat ek rifahi Idara (Charitable Organization) hai jo 2004 se Bachchon, Mard aur Auraton mein buniyaadi ilme deen aur Akhlaaqi taaleem (Moral Education) ko Qur’an aur Hadees ki roshni mein aam karne ki koshish kar raha hai. Is se har Musalmaan Islaami ahkaam ke mutaabiq zindagi guzaarega, achchha insaan banega, poori insaaniyat ko faaida pahonchaane waala banega aur duniya wa aakhirat mein kaamiyaab hoga.

Allah Ta’ala ne tamaam insaanon ki duniya aur aakhirat ki kaamiyaabi Deen-e-Islaam mein rakhi hai.  Deen-e-Islaam humein imaaniyaat, ibaadaat ke saath saath paakeezah muaamlaat (honest dealing),  husne muaasharat (pure lifestyle) aur umda akhlaaq (good character) sikhaata hai, jis se woh ek achchha insaan banta hai.  Is liye har musalmaan par farz hai ke school, college aur doosre kaamon mein se apna kuchh waqt faarig karein aur Deen-e-Islaam ki  taaleem haasil karein.

Deen-e-Islaam ki buniyaadi ta’aleem ummat tak pahonchaane aur amal par khada karne ke liye  “Munazzam Maktab(Organized Maktab)” behtareen zariya hai.

Lihaaza mukhtalif idaaron aur masjidon ke zimmedaaraan aur ulamaa-e-kiraam ko chaahiye ke aapas mein mil kar mehnat wa koshish karein, aur jagah jagah “Munazzam Maktab(Organized Maktab)” qaaim karein, is tarah ek achchhe nizaam ke saath kaam shuru kiya gaya toh poori ummeed hai ke Allah Ta’ala ka kalima aur Nabiye kareem Hazrat Muhammed sallallahu alaihi wasallam ka laaya huwa deen ummat ke har kackhche pakke makaan mein bahot hi aasaani se pahonchega aur har insaan duniya wa aakhirat mein kaamiyaab hoga.

Idara-e-Deeniyat ne 10 saal ki mehnat aur tajarbe se “Munazzam Makaatib (Organized Maktab)” qaaim karne ke liye Nizaam, Nisaab, Tariqa-e-Taaleem aur Nigraani ki tarteeb banaayi hai, jo har taaleemi idare ke liye nihaayat hi zaroori hai.

Munazzam makaatib (Organized Maktab) qaaim karne ke liye Idara-e-Deeniyat se rabta kare.

Iske alaava idaare deeniyat aur bhi kai non political social activity ka hissa hai. Hospital School Blind widow jaisi social activities. Har Mazhab aur qaum ke logo ki madad aur khidmat kar rahe hai.

ALLAH ta’ala humaari is koshish ko qabool farmaaye aur hamare liye zakhir-e-aakhirat banaye. Aameen.